எங்கள் வீட்டுத் தோட்டத்தில்
ஏராளமாக செடி கொடிகள் - அங்கே
பூக்களுக்காக சில செடிகள் - உண்ணும்
காய்களுக்காக சில கொடிகள்.
சுவைத்து மகிழக் கனிகள் தரும்
மரங்கள் கூட பலவுண்டு; அங்கே
புல்லும் உண்டு; சுற்றித் திரியும்
புள்ளும் உண்டு.
தோட்டத்தின் ஓர் புறத்தில்
வாட்டமாக ஒரு ரோஜாக் கூட்டம்.
பச்சை நிறச் செடிகளில்
பூக்கும் மலர்களில் தான்
எத்தனை நிறங்கள்! எத்தனை விதங்கள்!
சற்று நேரம் நின்று பார்த்தால்
நினைக்கத்தோன்றும்:
இது ரோஜாத் தோட்டமல்ல;
மண்ணில் வாழும் மக்கள் கூட்டம்
புறநானூற்றில் உள்ள மிகச் சிறந்த பாடல்களுள் ஒன்று "யாண்டு உண்டுகொல்?" என்னும் பாடல். 243 வது பாடல். அதில் கீழ்கண்ட வரிகள் வரும்:
"நீர்நணிப் படிகோடு ஏறிச், சீர்மிகக்,
கரையவர் மருளத், திரையகம் பிதிர,
நெடுநீர்க் குட்டத்துத் துடுமெனப் பாய்ந்து,
குளித்துமணற் கொண்ட கல்லா இளமை"
தொடித்தலை விழுத்தண்டினார் இப்படிப்பட்ட ஒரு இடத்தில் தண்டூன்றி நடக்கும் போது இந்த பாடலைப் பாடியிருப்பாரோ?
கோயிலின் தோற்றம்-தென் மேற்கு திசையில் உள்ள கணக்கவிநாயகர் கோயிலுக்கு செல்லும் வழியிலிருந்து எடுக்கப்பட்ட படம்.
திருச்சி ஆற்று மணல்வெளியை ஈரப்படுத்திய காவேரி - மங்கிய மாலைப்பொழுதில்.
15 செப்டம்பர் 2004 அன்று எடுக்கப்பட்டது.
கங்கை கொண்ட சோழபுரத்திலிருந்து சுமார் 5 கி.மீ. வடக்கே சென்றால் சலுப்பை என்ற கிராமம் உள்ளது. அங்குள்ள துறவு மேல் அழகர் கோயில் சுதை சிற்பங்கள் அளவில் பெரியவை. இந்த சிற்பங்கள் செங்கல்லின் மேல் பூசப்பட்ட சுண்ணாம்பு கலவையால் ஆனவை.நுணுக்கமான வேலைப்பாடுகளையும் கொண்டவை.
தமிழகத்தில் வளர்ச்சிப்பணி முழுவீச்சில் நடைபெறுகிறது.
முன்பெல்லாம் குழிகள் நிறைந்த சாலைகள் கவனிப்பாரற்று கிடந்தன.
இப்போதோ மாதா மாதம் குழிகள் தோண்டப்பட்டு, மூடப்பட்டு,
மீண்டும் தோண்டப்பட்டு மூடப்பட்டு வருகின்றன.
ஒரே வருத்தம்: மூடிய குழிகள் தோண்டப்படும் வேகம் சற்று அதிகம்.
ஆகவே சாலைகள் எப்போதும் குண்டும் குழியுமாக இருப்பதாகத்(!!) தோன்றுகிறது.
இயற்கை தரும் இனிய வரவேற்பு
இடம்:பெரம்பலூர் மாவட்டத்தில்
ஜெயங்கொண்ட சோழபுரம் - கங்கைகொண்ட சோழபுரம் சாலை
பொன்னேரி என்று எங்கள் பகுதி மக்களால் அழைக்கப்படும் இந்த ஏரிக்கு வரலாற்றுப் பெயர்: சோழகங்கம்.
தான் உருவாக்கும் தலைநகரில் காவேரி ஓடாத குறையைத் தீர்க்க,முதலாம் இராசேந்திர சோழன் கங்கையிலிருந்து கொண்டுவந்த தண்ணீரைக் கொண்டு உருவாக்கிய ஏரி.ஒரு காலத்தில் கடலைப்போன்று பரந்திருந்த ஏரி இன்று படத்தில் பார்ப்பதைப்போன்று கட்டாந்தரையாக உள்ளது.
வீராணமும் பொன்னேரியும் நிறைந்தால் இந்தப் பகுதி பொற்களஞ்சியமாகும்.
அத்தைக்கு மீசை முளைத்தால் சித்தப்பா ஆகிவிடுவார்.
சின்ன வயதில் மயிலிறகு மேல் அதீத மோகம். அதை நோட்டுப்புத்தகத்தில் வைத்து தென்னை மட்டை அடியில் இருக்கும் சுனையை சுரண்டி அதோடு சேர்த்துவைத்தால் இன்னொரு மயிலிறகு குட்டி போடும் என்று சொன்னதை நம்பி பாதுகாப்பாக வைத்து தினம் தினம் பார்ப்போம். கடைசி வரை குட்டி போடவில்லை.ஏமாந்ததுதான் மிச்சம். :-)
