ரோஜாக்கூட்டம்

எங்கள் வீட்டுத் தோட்டத்தில்
ஏராளமாக செடி கொடிகள் - அங்கே
பூக்களுக்காக சில செடிகள் - உண்ணும்
காய்களுக்காக சில கொடிகள்.
சுவைத்து மகிழக் கனிகள் தரும்
மரங்கள் கூட பலவுண்டு; அங்கே
புல்லும் உண்டு; சுற்றித் திரியும்
புள்ளும் உண்டு.

தோட்டத்தின் ஓர் புறத்தில்
வாட்டமாக ஒரு ரோஜாக் கூட்டம்.
பச்சை நிறச் செடிகளில்
பூக்கும் மலர்களில் தான்
எத்தனை நிறங்கள்! எத்தனை விதங்கள்!

சற்று நேரம் நின்று பார்த்தால்
நினைக்கத்தோன்றும்:
இது ரோஜாத் தோட்டமல்ல;
மண்ணில் வாழும் மக்கள் கூட்டம்